Kultura

Musika

1. ELIZONDOKO ABESBATZA

Elizondoko Abesbatza 1.942 urtean sortu zen Juan Eraso zuzendariaren eskutik. Juanito, horrela deitzen zioten, musikaltasun izugarrizko gizona izan zen eta herri txiki batekoa zen koro xumea maila altuko abesbatza batean bihurtzen jakin izan zuen.

Taldean parte hartzen zuten ahotsak ez ziren profesionalak, afizionatuak baizik, baina Eraso handiari esker internazional mailako sariak eskuratzea lortu zituen abesbatzak.

1952an Llangollen-eko lehenbiziko premioa irabazi zuen erraterako, Europako abesbatza inportanteak gibelean utziz. Kontzertu asko eskain zituen estatu desberdinetan: Frantzia, Belgika, Austria, Italia, Hego Afrika etab.

Juanito Eraso eta hainbat abeslarien ibilbidea apartekoa izan da urte askotan zehar, bikaina benetan. Carmen G. Romeroren “El silencio eléctrico” liburuan koralaren historia guzia ezagutzeko aukera eskaintzen zaigu.

Juanito zendu eta gero 2002 urtean Isabel Lacar lesakarrak hartzen du abesbatzaren zuzendaritza. Momentu hauetan berak eramaten du taldea

2. KORO TTIKI

Haurren Abesbatza Ttikia 2009 urtean sortzen da Maki eta Kristina Urtasun ahizpen eskutik. Elizondoko koral handiaren atala den talde honek inguruko haur ezberdinak elkartzen ditu musika bokalean murgiltzeko asmoarekin.

3. MUSIKA BANDA

Elizondoko musika bandaren ibilbidea nahiko irregularra izan da, urteetan zehar etenaldi ugari izan baititu.

XX. mendeko lehendabiziko hamarkadan sortu zen zenbait baztandar musika zaleek indartuta. Guda zibilean gelditu egin zen bueltan 1956 urtea arte bizirik irauteko.

1980an musika maite zuten zenbaitzuk esfortzu bat egin zuten Juanito Erasoren laguntzarekin banda berriz martxan jartzeko. 1986an desegin zen.

2001. urtean berriz berpiztu egiten da eta momentu hauetan Rosa Mari Sanchez-en zuzendaritzapean lan egiten du taldeak.

4. TXISTUA

Antonio Elizalde (Aniz, 1884-1956) lehenik eta Maurizio Elizalde bere semea (Amaiur, 1915-1992) ondotik izan ziren Baztango txistu errepertorioa errekuperatzen lan handiena egin zutenak. Mutildantza, irridantza, sagardantza eta soinu aunitz beraiei esker mantentzen dira egun.

Maurizio Elizalde txistularia eta Felix Iriarte atabalariak urte askoz izan ziren bikote, herri, plaza eta besta andana bat bizituz. Izan ere, Euskal Herriko Txistulari elkarteak urrezko domina eman zion Mauzio txistulariari 1991. urtean.

Aipatzeko bertze izenak egindako lanarengatik: Javier eta Patxi Elizalde, Agustin Eraso, Manuel Biguria, Jexus Bailon, Asier Biela eta Jaime Biguria.

5. FANFARRE KALAXKA ETA XALBADOR TXARANGA

Bi taldeak 80. hamarkadan sortu ziren eta ziur aski beren hasierek Elizondoko Bandaren etenaldiarekin ikustekorik izan zuten. Banda desegin bazen ere, musika biziki maite zuten zaleek hor segitzen zuten beren afizioarekin segitu nahian eta horrela sortu ziren bai Kalaxka eta bai Txaranga.

Gaur egun biak desagertu dira.

6. BERTZE TADEAK

Musika eta dantza arloan badaude bertze talde ugari Baztanen:

-Baztango dantzariak: Gurutze Goñi eta Irantzu Izeta nagusiki aritu dira dantzak erakusten.

-Akordeoi banda: Migel Iparragirre musikariak zuzendua.

-Pop – Rock taldeak: AlkoholHerria, The kutre symphony, Pottoka Band, Dos rombos, Otsondo 602, Gorramendi 10, Rigor Mortis, Kaskezur, Comando Castaña, Aizkor erauntsia, Ufestuek, Ratakalba, Errugabe, Jalisko Band, Trikidantz etab.