Kultura

KIROLAK

FUTBOLA

Futbolaren ordezkari bezala Baztagon Kirol Elkartea dugu, 1923. urtean sortua, geroztik ehunka jokalari pasatu dira taldetik. Partiduak Giltxaurdiko futbol-zelaian jostatzen dira (2008. urtean estreinatu zen kanpo berria). 2 alditan lortu du Baztango Futbol Taldeak 3. mailara igotzea.

www.cdbaztan.com

RUGBYA

2001 urtean Baztango Rugby Taldea eratu zen bigarren aldiz. Maila ezberdineko taldek biltzen ditu eta beren partiduak Lekarozko Institutuko zelaian jokatzen dira.

www.baztanrt.com

PILOTA

Segur aski pilota izanen da Baztanen tradizio gehien izan duen kirola. Esku pilotan Juanjo Atxa irakaslea aritu da urte aunitz gazte kirolariak hezten. Izen ezagunen artean Mikel Goñi oronoztarra aurkitzen da.
Pilotaren aldera zahar batzuk berreskuratu dira azken hamarkadetan, laxoa eta joko-garbi erraterako, desagertzeko zorian egon ondotik. Pasaka jokoa aldiz desagertutzat ematen ahal da.

HERRI KIROLAK

Denboretan Herri kirolak eguneroko bizitzan egiten ziren lanen isla bertzerik ez zen. Gaur egun kirol mota hauek bestetan ikusten ahal dira erakustaldi gisa: koxkoak, arpana, zaku lasterketa, txingak, sokatira etab.

MENDIZALEAK

Mendizaletasunari dagokionez 80. Hamarkadan “Baztango Mendigoizaleak” taldea sortu zen Baztango Kirol Taldearen adar berezia bezala eratuz. Igandero itzuli ezberdinak antolatzen ditu Baztan eta inguruko mendien barna.

www.baztangomendigoizaleak.org

ESKUBALOIA

Eskubaloiak ere badu tokia Baztanen. 1988 urtean “Baztango Kirol Taldeak” erakundea sortu zen. Nagusiki nesken taldeak izan ditu elkarteak eta baztango zenbait jokalari Ohorezko Mailan arituak izan dira (Maki Urtasun, Totu Iturzaeta eta Itsaso Salaburu erraterako).