Zigako herria Basaburuako kuartelaren barne dago Aniz, Berroeta eta Almandozekin batera.
Bertara ailegatzeko 2 modu dago: Iruritatik edota Belate aldean dagoen Berroetako bidegurutzetik.
Herria kasko punta batean dago eta bertatik ikusten diren bistak paregabeak dira.
Zigako eraikinik garrantzitsuena San Lorenzoko eliza da. Herreriano estilokoa da eta 1593 – 1603 urteetan eraikia izan zen.
Zigak 2 auzo ditu, Egozkue eta Zigaurre / Zuraurre (izen honekin agertzen da zenbait dokumentu zaharretan). Lehendabizikoan izen bereko jauregi bat dago eta oraingo gazteek bertara prozesioan hurbiltzeko ohitura mantentzen dute egun.
Zigaurretik hurbil “Baztango begiratokia” dago, izenak ongi erraten duen bezala toki honetatik atzematen diren bistak izugarriak dira.