Arrow
Arrow
PlayPause
Shadow
ArrowArrow
Slider

BERTIZKO PARKEA

Erakargarria iruditzen zaizu lorategi botaniko paregabe batean ibiltzea eta, besteak beste, ondokoak bezalako espezie bitxi-bitxiak aurkitzea: Txinako gingkoa, Kaliforniako sekuoia, Balkanetako gaztainondoa eta igebelarra? Zozoak, urtxintxak, okilak eta beste animalia xarmangarri batzuk ezagutu nahi dituzu?

Egun lasaia eman nahi duzu basoaren taupadak entzuten? Hori guztia egiten ahal da Bertizko Jaurerria Natur Parkean. 2.040 hektarea estaltzen duen landaretza oparoa dago han, Iruñeko iparraldean, hiriburutik 49 kilometrora. Eder-ederra da bazter berde hori. Nafarroako Pirinioetako mendebaldean dago, Bidasoa ibaiaren ertzean.

Hori guztia egiteko aukera eskaintzen dizu Bertizko Jaurerriaren Natur Parkeak. 2.040 hektarea landarediz oparo beteak eta, horrekin batera, 126 espezie dituen lorategi botanikoa, Naturaren Interpretazio Zentroa eta jauregi ederrak.

Natura bere ederrean ikusteko parada emanen dizu Bertizek, Nafarroako Pirinioetako txoko goxo, berde eta lasai honetan.

Luzera eta malda desberdinetako bidexka batzuk daudenez, baso atlantiko horren ñabardurak gozatzeko aukera izanen duzu. Era berean, interprete espezialista batzuek hango bazter ahaztezinetan gidatuko zaituzte, baita pertsonaia mitologikoei buruzko istorio fantastikoak kontatuko ere. Merezi du jaurerriko baso atlantikoa miatzea, izozterik ez dagoenez, hango mikroklima hezeak bozkarioz betetako natur dotorea sortu baitu.

Parkearen sarreran lorategi botanikoa dago.

100 urte baino gehiago ditu eta natur parkearen altxorrik handiena da. Hango bide-sareak 120 zuhaitz eta zuhaixka espezie baino gehiago miresteko aukera emanen dizu. Zigak Nafarroako Gobernuari dohaintzan eman zion finka osoa 1949an eta, geroago, nafar Gobernuak Parke Naturala deklaratu zuen.

Informazio osagarria

Harremanerako datuak

BERTIZKO PATZUERGOA
Oieregi-Bertizarana
31720 (Nafarroa)
Tfna. 948 592 421