“Ezagutu, bizi eta sentitu benetako Euskal Herri Kirolen emozioa”
NOR GARA?
Gure Kirolak gara, Herri Kirolak maite dituen taldea, euskal kulturaren tradiziorik benetakoenetako bat adin guztietako jendeari hurbiltzeko gogoz.
Proiektuaren buru Joxean Etxeberria dago, Lehen Mailako aizkolaria eta Nafarroako txapeldunordea.
Euskal herri kirolaren historia, balioak eta emozioa ezagutzea nahi dugu, ez soilik ikusle gisa, baita protagonista gisa ere.
Joxean Etxeberria
Ziga, Baztan
Zer eskaintzen dugu?
Herri Kirolak nahi duzun moduan ezagutzeko esperientziak eskaintzen ditugu:
1 Parte hartuz euskal herri kiroletako hainbat modalitatetan.
2 Ikusiz kirolari profesionalek azalpenekin egindako erakustaldi bat.
3 Bi aukerak uztartuz, esperientzia oso, dibertigarri eta adin guztietarako egoki batean.
Non?
A Esperientzia guztiak Sabatenea baserrian egiten dira, Zigan (Baztan), Joxean Etxeberriaren sortetxean. Herri Kirolak bertatik bertara ezagutzeko aukera paregabea da, kirol hauen erreferente handienetako baten eskutik.
B Nahiago baduzu, Gure Kirolak Baztan-Bidasoa eskualdeko edozein lekutara ere joan daiteke jarduera bertan egiteko. Aukera ezin hobea da landa-etxeetan edo inguruko beste edozein ostatu motatan ostatu hartutako taldeendako.
Norendako?
Haurrak dituzten familiak ·
Helduak ·
Despedidak ·
Taldeak ·
Eskola-taldeak ·
Era guztietako publikoarendako
Jarri zeure burua proban
1. Jarduera praktikoak
Hemen zu zara protagonista. Ausartu Herri Kiroletako eta euskal joko tradizionaletako hainbat modalitate praktikatzera; haien teknika eta historia ikasiko dituzu, eta, batez ere, adin guztietarako esperientzia dibertigarri batez gozatuko duzu.
Proposamenak
- Enborra aizkoraz moztea (Aizkolaritza)
- Harria jasotzea (Harri jasotzea)
- Enborra trontzaz moztea (Trontzalaritza)
- Lokotx bilketa (Lokotx bilketa)
- Ingudea altxatzea (Ingude altxatzea)
- Txinga lasterketa (Txinga lasterketa)
- Fardoa jaurtitzea (Fardo jaurtiketa)
- Karroa altxatzea (Karro altxatzea)
- Soka-tira
Haurrendako Orakunde jokoak
- Aulki-jokoa, arrautza-lasterketa, zapitxoa, globoak lehertzea, gaileta jatea, ingeles erara ezkutatzea, etab.
Ikasi
2. ERAKUSTALDIA
Kirolari profesional baten erakustaldia, kirol bakoitzaren jatorria, historia, data garrantzitsuenak, iraganean eta gaur egun izan duen garrantzia, tresnak, berezitasunak eta bestelako xehetasunak azalduz.
Praktika + erakustaldia
3. KONBINATUA
Bi aukerak uztartuz, esperientziarik osoena biziko duzu. Euskal herri kiroletan parte hartuz zure trebetasunak probatuko dituzu eta, ondoren, kirolari profesionalek gidatutako erakustaldi batera joanen zara; Herri Kirolen historia, teknikak eta tradizioak hurbiletik ezagutzeko aukera izanen duzu. Jarduera dinamikoa, hezigarria eta adin guztietarako pentsatua.
Prezioak
Esperientzia bakoitza desberdina denez, Gure Kirolak-ek aurrekontu guztiz pertsonalizatuak prestatzen ditu, parte-hartzaile kopuruaren, aukeratutako jardueraren, iraupenaren eta jarduera egingo den lekuaren arabera. Jarri gurekin harremanetan inolako konpromisorik gabe, eta zure beharretara egokitutako proposamena bidaliko dizugu.
Informazio osagarria
Informazio gehiago nahi baduzu bete konpromezurik gabe eskuineko formularioa.
GURE KIROLAK
Auzkue auzoa
Sabatenea baserria, z/g
31796 Ziga - Baztan (Nafarroa)
Tel. 689 63 55 74 
Harremanetarako: Joxean Etxeberria
Gure Kirolak (Ziga – Baztan)
Joxean Etxeberria – EITB