Sarako lezeak

Bisita gidatuak 45 minutu irauten du, 900 m-ko aitzinbide apailatu bat segituz.

Bide hau segurtatua da eta osoki soinu eta argiz hornitua. Ibilbideak gidoi bat segitzen du, argiztapen eta entzungailuez lagundurik, baina beti argitasun gehiago ekarriko dizuen gida batekin.

Azken teknologiak erabiliak izan dira, besteak beste LED argiztapena, bai bisita baldintza onenetan egiteko, eta bai lur azpiko ingurumena eta bertako “izilagunak” zaintzeko.

Sarako Lezeetan sartze libre duen museo bat aurkituko duzue. Hortan, lezean tratatuak izan diren gai batzuk azalduak izanen dira :

Gizakiak Historiaurretik hona ezagutu duen bilakaeraren aspektu ezberdinak ezagutuko dituzue, bisual esplikatzaile eta hainbat garaietako aztarnen bitartez.
Saguzarren egitekoa gure ingurumenean.
JM Barandiaran euskal historiaurrearen ikerlari eta etnologo handiaren bizitza eta lana.
Bono ttipia… bisitak dirauen aldian euskal mitologia ere gogora ekartzen da!

Guneko museoa urririk bisitatzen ahalko duzue Sarako Lezeen bisita aitzin edo ondoren.

BLOT Medikuak eraiki aire zabaleko gune honetan, gizakiak Protohistoria deitu garaian (JK a-ko 2800-etik, metalen arora) altxatu monumentu desberdinen berrosaketa bat atzematen da.

4 hizkuntzatan diren azalpen panoei esker, zatozte monumentu hauen behatzera, bai eta lurperatzea edo erraustearen gisako erritoak ere.