Leurtzako urtegiak

Leurtzako urtegiak Nafarroako Malerreka eskualdeko Urrotz eta Beintza-Labaien udalerrien artean dauden bi urtegi dira. Urtegi hauetara iristeko Urrotz herritik mendi aurrera doan bidea hartu behar da.

Bi urtegi hauek 1920. urtean eraiki ziren. Bere natur inguru ederrak direla eta, Aisiarako Natur Eremu bezala izendatuak daude, bertan erretegiak eta mahaiak nahiz informaziogunea daudelarik.

• Aparkalekua.
• Arreta informazioa: aparkalekuaren ondoan.
• Leurtzako natur gunearen informazio panelak: panel orokor batean, inguruko bidexka guztiak daude, honez gain, beste panel bat dago mugikortasun murriztua duten pertsonentzako.
• Informazio-etxola mendizainak dauden egun eta orduetan dago zabalik (ikus egutegia).
• Mahaiak eta erretegia: 15 mahai eta 2 erretegi unitate (8 bat lagun) daude. Pagoen itzaletan daude eta aparkalekutik hurbil.
• Sute-arriskuagatik alertarik ez dagoen egunetan, zaintza ordutegian bakarrik erabili ahal izango dira barbakoak.
• Mugikortasun urria duten lagunak bertara sartzeko bidea prest dago.
• Komun publikoak.

• Beheko urtegia inguratzen duen ibilbidea, 2 km inguruko luzera duena, ikuspen murriztua duten pertsonendako egokitu da osorik, ezkerretara dagoen egurrezko zeharbidearen eta braillezko zenbait adierazleren bidez.
• Mugikortasun murriztua edo gurpil-aulkia duten pertsonendako, trazadura egokitu egin da, baina beheko presaren inguruan %8tik gorako maldak daude.