"Recreo de Elizondo"  Musike Banda                                

Elizondoko bestetako kontzertue jo t´onduan (2004ko urtea)

HISTORIA PIXER BAT

lizondon, tarteka izan dugu musike banda. XX.en mendearen hasmentan sortu zen, lehenbiziko hamarkadan. Hasmentako “Banda de Música Recreo de Elizondo” hartan Feliciano Beobide jauna agertzen zaigu zuzendari gise, berak ematen zituen ere ikastaroak inguruko jendei, eta musikoak bezala Garrido, Olondriz, Garaioa, Mena, Eraso, Viguria, Izeta, Lazaro, eta Vega abizenak agertzen zaizkigu, bertze aunitzen artean.

1914-ko azaroako argazkie

Hasmenta hartan hogeitehamar - berrogei bet lagun-musikezaleak biltzen ziren, pixket goiti beiti, gorabeherak izeten ziren. Hori bai, dena gizonkie. Banda batean musike jotzea gizonezko afera zen, hemakumeendako debekatue zagola erran dezake, bertze haunitz gauzetan bezala andreak parte hartzea  arras gaizki kusie bai zagon, eta andrearen papera arron´t baztertue. Aise mantsoago hasi ziren gauzek xuxentzen: 80 hamarkadako bandan gizonek bezala parte hartu zuten hemakumeek ere.

 INSTRUMENTUEK ETA EKONOMIA

Denbora pastu bezala instrumentuek ez direla gogorki aldatu erran dezakegu, hasiera banda hartan oraingo idurizko tronpetak, tronbonak, klarineteak, saxoak, baxuak eta perkusio instrumentuek, bertzeen artean, osatzen bai zuten banda. Hori bai, bertze munduko gauze etziren, ez, jotzeko ahal izaten zutena erabiltzen bai zuten, handik eta hemendik lortzen bai ziren gauzek, sosik ez bai zen soberan.

Ekonomia aldetik banda aintzinet ateratzeko sozioak baziren, elizondoko nahi edo ahal zutenek -hobe erranez- beren sosaikin laguntzen bai zuten bandari. Bakotxen izena eta urteroko laguntze halako zerrenda batean kontrolatzen zen, oraindik bakarren bat harpatzen ahal da gaur egun, eta agertzen diren kantidadeak irrigarriek iduritzen ahal zaizkigute: 10, 20 zentimo, pezta erdie, eta peztatik goiti agertzen zaizkigunek ez dire nolanaiko jendeak, herriko aberatsenak beizik.   

Noiz jotzen zuen Bandak? garai batez igendero izeten zen kontzertue herriko plazan. Juanito Eraso zenak erten zuen dendora batean elizondoko soinu guziek elizeko ezkilek eta musike bandak sortzen zituenak  zirela, hemen bertzeik etzela.

Pentsatu beharrekoa da garai hartan baztan aldean gauz dibertigarri gogorrik etzela, lana beizik etzen jende gehieskonendako, eta zaletasun pittet ere baizen, ba, hola sortu zen banda eta holaxe mantendu zen urte andana batez, akaso ahal zeneraino bazen pobrezie animelia  atzentzeko ere ixtenpa batez, musike jo biztertian.

Gehien bat musike “tradizionala” jotzen zutela erran dezakegu, zarzuela giseko kantuek, balsak, martxak ere bai, pasodobleak...

BANDAKO GORA-BEHERAK

Zori txarrez etenaldi luzeak izan dire. Erran bezala mende hasmentan hasi baldima zen Banda, Guerra Cibilarekin batio desagertu zen, eta Feliziano Beobideren esker oiniken bertze urte batzuk gehio iraun zuen, 56-ko urtean berriz desagertzeko. Lauetanogeiko hamarkada hasieran berpiztu zen berriz Banda, Juanito Erasori esker gehien bat, berak ekarri baizituen hainbertze instrumentu Frantzia aldetik, solfeo ikastaroak ere eman zituen, eta bertze bospasei urte iraun zuen, desagertzeko.

1980-ko urtean, Elizondoko plazan

Ondarreko aldi hunten, 90-ko hamarkadan eta Musika Eskolari esker eta Javier Igoa lenbizien eta Juan Carlos Moreiro ondotik zuzendariek izan ditugunez “Banda Recreo de Elizondo” berriz ere martxan dugu gaur egun.

2001 urteko argazkie.

2004ko kontzertue.