Arrow
Arrow
PlayPause
Shadow
ArrowArrow
Slider

AMAIURKO ERROTAKO TALOAK

Kale batean zehar sortutako herri ikusgarria; sarrerako arku bitxiak egiten dio ongietorria bisitariari. Baztango Donejakue bideari jarraikiz eraiki zituzten etxeak herritarrek. Fatxadak lerrokatuta eta uniformatuta ez daudenez, ez dago monotoniarik eta ikuspegi ederrak izateko aukera dago.

Amaiurrera sartzean, herriko arku berezia zeharkatu baino lehen, ezkerraldean errota dago, eta, eskuinaldean, berriz, Serorategi zentroa, elizari atxikia.

Amaiurko errota zaharberritu egin dute, eta, egun, iraganeko jarduera gogorarazten dio bisitariari. Herriko etxe dotore baten beheko solairuan dago. Hala nahi izanez gero, taldeek errota eta bere funtzionamendua ezagutzeko parada dute, antolatzen diren bisita gidatuei esker. Horrez gainera, hango talo gozoak dastatzen ahal dituzte. Partikularrek errota bisitatu nahi izanez gero, taloak dastatzeko ezarri den ordutegian egiten behar dute.

Errotan bertan ekoizten den hirina erosten ahal da (arto hirin ekologikoa, glutenik gabekoa). Halaber, errotatik abiatzen da 1,5 kilometroko ibilbide xume bat, presa eta errotako ubidea zeharkatu eta Gaztelu mendiko monolito mitikora heltzen den zidorra.

Bestalde, Serorategi zentroa seroraren etxea zen garaian. Aspaldian, ezinbesteko pertsonaiak izan ziren serorak, elizako jardueretan laguntzen baitzioten apaizari. Gaur egun, bisitariak ezin du ikusi, itxita baitago.

ZE TALO NAHI DUZU?

  • Gasna
  • Txistorra
  • Xingarra
  • Txokolatea
  • Zure gustura: gasna txistorrarekin, xingerra txistorrarekin…

Informazio osagarria

Informazio gehiago nahi baduzu bete konpromezurik gabe eskuineko formularioa.

AMAIURKO ERROTA
31715 Amaiur (Nafarroa)
Tf. 619 95 57 09 (Felipe) icono_bed