Baztango euskara                                               -Cultura-

z dakit zautzen duzun argazkien agertzendena, gure baztandar eskuara maitearen alde hainbertze egin duen gizon berexie.

Mariano Izeta Elizalde

Mariano Elizondon sortu zen 1915eko uztailaren hamalauan. Eskolako ikasketak akitu ondoren, bere aitekin hasi zen erlojugintzan 15 urterekin, eta hortan ibilie da 1984 urtean arretiroa hartu duen arte. Biztartean, bere idatziak zenbait egunkarietan argitara eman ditu, bai ta ere liburuak kanporatu, irratietan mintzetu... beti gure izkuntze defendatuz.

Nere ustez, "Baztango iztegia" da dudarik gabe bere lan borobilena, baztandarrendako garrantzitasun duen haundiena delakoz.

Solas xahar, batzuk dagoeneko gero ta gutiago erabiltzen direnak agertzen dire liburuen.

Gure Marianok in dituen gauz artean, bat nere usteko izugarri eta aipetzeko modukoa dugu:

1978ko urteko uztailean igen zen 100 aldiz Legate mendi ttuntturean badagon gurutzeraino, baztango mendigoizale, mutildantzari eta bere lagun guzien artean, animaleko bero zagoen egun batean. Momentu hartan berekin zautzinek hala diote: Azkeneko 30 metro falta zireliken, bakarrik utzi zuten Mariano ondar pauso oiek ematen, eta kaskoko gurutzean belauniketu, eta errezatuz bakarrik gelditu omen zen bere buruekin, ondotik bere omenez mutildantza eder bat dantzatzeko.

Eta holako gauz xelebrea ospatzeko, Legate jautsi ta gero kuadrilleka gan omen ziren jatetxe ta soziedaderat gustora bazkaltzera, eta jan ondoan bakarren batek ziriopuztenka akitu ere bai, ez dakigu eguraldi zakar ta beroarengatik ote zen.

   Elizondoko plazan, mutildantzetan, Mariano lerro buruan, hainbertzetan bezala maixu gise.

2001.urtean Izeta jaunak bere azkeneko hatsa bota gaitu, ixil ixilik eta bat ere espanturik gabe (berak erraten zuen bezala). Mariano, zaude trankil: plazako lerro buruan hainbertze aldiz mutildantzak dantzatzen ibilizaren bezala, halaxe kontuko zaitugu irudi hortan gure gogoetan.

Ni zuk ineko lana eskertzeko inor ez bai naiz ere, hona hemen nere goraintzi ttalla. Ez zaitugu atzenduko!